| Artxibo OCR | HODEI BELTZAK UDALAREN BIZIKLETA POLITIKAN
KALAPIE Hiriko Txirrindularien Elkarteak, bizikleta mugikortasunari dagokionez,
Donostiako Udalak gero eta konpromiso gutxiago hartzen dituela ikusteak eragiten
dion kezka handia ezagutarazi nahi du.
Hau da gure egiaztapena, Udalaren bizikleta politikaren mugarri nagusiak izan
beharko liratekeen alderdietan geratzen ari dena ikusita.
1. Donostiako Hiri-mugikortasunaren eremuan Bizikleta Sustatzeko Planaren
(2001-2003) indarraldia bukatu zenetik 10 urte igaro ondoren, plana ez da
eguneratu; beraz, ez da existitzen bizikleta mugikortasuna planifikatzeko
dokumenturik.
Behin eta berriro eskatu den eguneratze hau Udalak bete behar duen konpromiso
gisa jasotzen da Donostiako Agendan 21 eta Klima Aldaketaren aurka
Borrokatzeko Donostiako Planean.
2. Bizikletaren erabilera egiaz nabariki handitu nahi bada, ezinbestekoa da
txirrindularitzaren sustapenaz eta bide-hezkuntzaz aldi oro arduratzea. Bada,
arlo honetan Udalaren jarduera hain zuzen ere kontrako zentzuan doa, programa
horietarako baliabideak handitu beharrean, ia desagerrarazi arte murriztu ditu eta.
3. Donostiako Hiri-mugikortasunaren eremuan Bizikleta Sustatzeko Planean (2001-
2003) jasotzen den bizikleta bideen oinarrizko sarea oraindik amaitu gabe
dago. Nafarroa hiribidean bidegorria egiteko proiektua, 2012rako bizikleta
bideen inguruan aurreikusi zen jarduera aipagarri bakarra, ez da gauzatu.
4. Bizikleta bideen sareko hainbat zatien artean existitzen diren lotura urriak
konpondu gabe daude oraindik (Ategorrieta hiribidea - Euskadi plaza; Ategorrieta
hiribidea - Nafarroa ibilbidea; Ondarreta - Antiguo eremua; Beharkoko biribilgunea
KALAPIE Miembro de
Hiriko txirrindularien elkartea • Asociación de ciclistas urbanos/as ConBici
Kl 1872 posta-kutxa • E-20080 Donostia • 8 (+34) 629 271 481
[email protected] • http://www.kalapie.org
COORDINADORA EN
DEFENSA DE LA BICI
_tfr\ t^iHûo
- Gabriel Aresti; Loiola - Martutene zatia; Larratxo pasealekua - Herrera; eta
Zorroaga pasealekua - Anoeta), eta horren ondorioz, txirrindulari asko espaloien
gainetik edo kontrako noranzkoan ibiltzen dira euren ibilbidea jarraitu ahal
izateko.
5. Benetan negargarria da Udalaren bidegorri sareak, 56 kilometrotik gora dituenak,
bertan egin daitezkeen ibilbideei buruzko seinaleztapen bat ere ez edukitzea.
6. Bai KALAPlEk bai BYPAD ikuskaritzak sarri eskatu dugu Udalak bizikletentzako
aparkalekuen plan bat prestatzea. Bizikletaren erabilera neurri handi batean
baldintzatzen duen eremu honi osorik ekiten dion eta, etxebizitzen inguruan nahiz
garraiobide mota batetik bestera aldatzeko puntuetan, bizikletak lapurretatik,
bandalismotik eta eguraldi txarretik babesten dituzten aparkaleku-plazak
eskaintzeko irtenbideak proposatzen dituen plan bat alegia.
Eskaera hau ez da oraindik bete, joan den urtean bizikletentzako aparkaleku
seguruak bultzatzeko eta ezartzeko helbururekin mugikortasun iraunkorra
sustatzeko proiektu batek, non Donostiako Udalak parte hartzen duen, 80.000
euroko diru laguntza jaso zuen arren.
Uste dugu, bizitzen ah garen krisi garaiotan, Donostiako Udalari dagokiola
ekologikoagoa, osasungarriagoa eta erregai fosilen hain mendekoa ez den lurralde
baterantz aurrera egiten laguntzen diguten mugikortasun estrategia iraunkor batekin
eta petrolio osteko ekonomia batekin duen konpromisoa ekintzen bidez erakustea.
Horregatik, Donostiako Udalari galdatzen diogu hiriko txirrindularitzari protagonismo
gehiago ematea, txirrindulari portzentajea eta hauei esleitzen zaizkien
aurrekontuak, biak oso baxuak direnez gero.
Bizikletaren erabilera sustatzeko Udalak erakutsi duen jarrera zuhurra da,
motordunen zirkulazioari erraztasun berriak ematen dizkieten azpiegituren
eraikuntzaren eremuan mantentzen duen jarrera, ordea, guztiz ezberdina da. Hori
da, hain zuzen ere, Udalak, Gipuzkoako Foru Aldundiaren eta Eusko Jaurlaritzaren
lankidetzarekin, burutu nahi dituen proiektuen (Marrutxipin ingurabiderako sarbide
bat egitea eta Martuteneko biribilgunean gaineko pasabide bat sortzea) kasua. Hala
ere, dirudienez, Udala ez da gai izan erakunde hauekin bizikleta bideen sarea
HODEIBELTZAK UDALAREN BIZIKLETA POLITIKAN
-2-
amaitzeko eta bizikletaren erabilera sustatzeko programak bultzatzeko antzeko diru-
hornidura duen akordio bat sinatzeko, kontu hauetan defizit aipagarria badu ere.
Horiek hórrela, KALAPIEk Udalari eskatzen dio 2013rako goian zehaztutako
hutsuneei erantzuteko gai den aurrekontu bat prestatzea, 2016an bizikleta
ibilgailu ofizial bihurtzeko helburuarekin, bai eta EH Bilduren hauteskunde
programarekin ere, bat etorriz, azken honek bizikleta mugikortasunaren aide
ausardiaz eta gardentasunez apustu egiteko eta bizikletaz egindako joan-etorriak
guztien %15 izatera iritsi daitezela lortzeko konpromisoa hartzen baitu.
Donostian, 2013ko urtarrilaren 14ean
HODEIBELTZAK UDALAREN BIZIKLETA POLITIKAN
-3- | |
