| Extracto del fichero OCR | LANERA BIZIKLETAN
Erakunde sindikalen baitan gero eta kezka handiagoa da Gipuzkoan mugikortasun
iraunkor eta segurua ziurtatuko duen eredua bilatzea.
Guztiok ezagutzen ditugu zer nolako ondorioak dituen motor-ibilgailuen erabilera
neurrigabeak langileen osasunaren eta segurtasunaren gain: hildako eta zauritu ugari
eragiten dituzten istripu kontaezinak, gure herri eta hirietako kutsadura atmosferiko eta
akustiko handia, bihotz-arnasketako gaixotasunak eta estresa areagotzea, C02aren
isurketa gero eta handiagoak, klima-aldaketa azkartzea, kaleetako segurtasun ezako
sentipena larritzea, lurra neurri handi batean garraiorako okupatzea, lurraldea artifizialtzea,
biodibertsitatea galtzea, gastu publiko erraldoia horretarako izatea...
Lan kontuek behartuta egiten diren desplazamenduak dira Gipuzkoan egiten diren
gehienak, hortaz, langileek egunero motor-ibilgailu pribatuetan (auto zein motorretan)
egiten dituzten bidaiak pixkana-pixkana oinez, bizikletaz eta garraio publikoan egitera
pasatzea, oraingo ereduari plantea dakiokeen edozein alternatibaren ardatza izan behako
litzateke.
Agiri hau sinatzen dugun erakundeok, kontaezineko ekimen politiko, sozial eta
teknikorekin bat etorriz, uste dugu garraio iraunkorrarako edozein estrategiaren oinarrizko
lanabesa delà bizikletaren erabilera.
Bizikletaren erabilera areagotuz, desplazamendu-behar asko eta askori irtenbide
eraginkorra eta ekologikoa ematen zaie, trafikoko eta ingurugiroko hainbat arazo
saihestuz, eta osasun-gastuetan milioika euro aurreztuz.
Bizikleta, hiri barruko eta hiri arteko ibilaldietarako garraiobide zalua da. Ez du kutsatzen,
isila eta merkea da; distantzia txiki eta ertainetarako azkarra da, mesedegarria
osasunarentzat, ekonomiarentzat, eta ingurumenaren kalitatearentzat. Zerbaitegatik
¡zango da mundu osoan 1.000 milioitik gora lagunek aukeratzen dutela egunero
mugitzeko, munduan gehien erabiltzen den ibilgailua baita.
Bizikletan ibiltzea errazten duten baldintzak sortzen badira, segurtasuna hobetuz eta garraio
publikoko sistemekin konbinatzeko erraztasunak emanez, jende guztiak jasoko ditu onurak:
mugikortasun hobea eta irisgarritasun errazagoa.
Badira bizikletaren erabilera hedatzea eta indartzea errazten duten elementu garrantzitsuak,
hala ñola autoan egiten diren ibilaldi asko oso laburrak izatea, bizikletaren jabeak, eta
bizikletan ibiltzen dakitenak hain ugariak izatea, edota hiritarren artean ibilgailu horrek duen
irudi bikaina. Ziur gaude gaur egun bizikletan ibiltzeko oztopo diren eragozpenak kenduz
gero asko ugarituko liratekeela eguneroko txirrindulariak.
Enpresaren ikuspegitik, bizikletan oinarritutako mugikortasuna suspertzeak hainbat onura
dakartza:
- Laneko absentismoa gutxiagotu egiten da eta produktibitate-maila gora joaten da,
langileak osasun hobean daudelako, sasoian eta estres gutxiagorekin.
- Enpresako langileak bizikleta asko erabiltzen dutenean, enpresaren gizalegea eta
ingurumenaren gaineko kezka agerian jarriaz, harén irudia hobetu egiten da.
- Bizikletaren erabiltzaileak ugaritzen direnean, errepideetako auto-pilaketak gutxitu
egiten dira, bai banaketa- eta merkantzia-garraioko zerbitzuak eta baita garraio
publikoa ere irabazle izanik, trafiko-itoaldietan galdutako denborak gutxitu egiten
baitira.
- Puntualtasuna hobetu egiten da, gutxitan geratzen baitira txirrindulariak trafikoan
harrapatuta.
- Langileen kotxeak aparkatzeko behar diren lursailetan inbertitzekoa gutxiago
izateaz gain, lehen autoak aparkatzeko jarritako lekua enpresaren beste
beharretarako erabil daiteke.
Zerbitzu-bizikletak erosteko eta bizikletentzako aparkaleku seguruak moldatzeko enpresak
inbertitu behar dueña, gaur egun autoak aparkatzeko lursailetan gastatzen dena baina
askoz gutxiago da.
Aurreko gogoeta guztiak kontuan hartuta, agiri hau sinatzen dugun erakundeok, honako
hauetarako konpromisoa hartzen dugu jendaurrean:
1. Gure ekintza sindikalaren bidez (sektoreko eta enpresako lan-hitzarmenen bidez,
negoziazio-mahai, plataforma, kanpaina sindikal eta abarren bidez) bai erakunde
publikoei, bai enpresen arduradunei erreklamatuko diegula lantokietara irispide
seguruak eta erosoak ziurtatzea garraiobide iraunkorretan, eta bereziki bizikletan.
Bidegorriak eraikitze edo hobetzea, bizikletentzako aparkaleku seguruak egitea,
zerbitzuko bizikletak eskaintzea, edo bizikletaren erabilera suspertzeko
kontzientziazio-ekintzak aurrera eramatea izan daitezke arlo honetan bultza
daitezkeen ekimen batzuk.
2. Desplazamenduen arloan gertatzen diren arazoak konpontzeko enpresek ardura
har dezaten marko legal eta finantzarioa eskatzea, garraio publikoak eta ez
motordunak sustatzeko asmoz.
3. Gure afiliatuen artean bizikletaren erabilera sustatzea, eguneroko garraiobide gisa,
eta bereziki lantokietara joateko; horretarako, bizikletak dakartzan onurak eta
abantailak hobeto ezagutzeko, eta hartaz sentiberatzeko eta zabaltzeko ekimenak
sustatuko dira.
4. Gure koadroei zuzendutako formazio-ekintzak aurrera eramatea, prestakuntza on
bat lor dezaten oraingo garraio-ereduak sortzen dituen arazoen gainean, eta
langileen desplazamenduetarako irtenbide seguru eta sustengagarrien gainean.
5. Bizikletaren erabileraren aldeko lana egiten duten hiritar erakundeekin lankidetza
aktiboa aurrera eramatea, lan-munduko bizikletaren gaineko mugikortasunaren
esparruan ekintza bateratuak gauzatzeko xedez.
Donostian, 2009ko urriaren 30ean
CC.00
ELA
ESK
LAB
STEE-EILAS
UGT | |
